ಮೊಬೈಲ್ ಗುರ್ರೆ‍ಂದಿತು
ಎತ್ತಿ, ಕಿವಿಗೊತ್ತಿದೆ
ಬಂತವಳ "ಹಲೋ"
ಕೇಳಿ ಕ್ಷಣದಲಿ ಕರಗಿದೆ
ಬಿಸಿ ಪೂರಿಯ ಮೇಲಿನ ಬೆಣ್ಣೆಯಂತೆ
ಕಿವಿತಮಟೆ ಹುಚ್ಚೆದ್ದು ಕುಣೀತಿದೆ
ಎದೆಬಡಿತ ಹೆಚ್ಚಾಗಿ ಸ್ಪೋಟಿಸುವಂತಿದೆ
ಆ ಎರಡಕ್ಷರದ ಮೋಡಿ
ರಹ್ಮಾನ್ "ಜೈಹೋ",
ಬಚ್ಚನ್ "ಹಾಂಯಿ" ,
ಗಣೇಶ್ "ಈ-ದಿಲ್" ಅಂದಂತೆ
ಕಿವಿಗೆ ಸಚಿನ್ "ದ್ವಿಶತಕ"ದ ಸಂಭ್ರಮ
ಅಂಟಿದ್ದ ಫೋನನ್ನು ಇನ್ನಷ್ಟೊತ್ತಿ
"ಎಸ್ ಹೇಳಿ"...
"ಇದು ನಿಮ್ಮ ಬ್ಯಾಂಕಿಂದ ಕರೆ"
(ಬೇಕೆ ನಿಮಗೆ ಕ್ರೆಡಿಟ್ ಕಾರ್ಡಿನ ಹೊರೆ?!)
ಎದೆಬಡಿತ, ಅಲ್ಲೆ ಸ್ತಗಿತ
ಕೇಳಿದ್ದ ಮಾತೆಲ್ಲ ಅಪಸ್ವರ
ಜೈಹೋ ಕರ್ಕಶ ರೀಮಿಕ್ಸಾದಂತೆ
ಬಚ್ಚನ್ ಗಲತ್ ಜವಾಬೆಂದಂತೆ
ಗಣೇಶ್ ಈ ಬಿಕ್ನಾಸಿ ಮಳೆಯೆಂದಂತೆ
ಸಚಿನ್ ಶೋನ್ಯಕ್ಕೆ ಕ್ಲೀನ್ ಬೌಲ್ಡ್
"ಯಾರ್ ಕೊಟ್ರೀ ನನ್ ನಂಬರ್"
"ಫೋನ್ ಇಡ್ರೀ ಇದು ರಾಂಗ್ ನಂಬರ್"
-ಶಫಿ
No comments:
Post a Comment